قمر العشاق عضوء نشيط
الجنس : عدد المساهمات : 11 نقاط : 42912 السٌّمعَة : 10 تاريخ الميلاد : 19/02/1994 تاريخ التسجيل : 12/08/2012 العمر : 30
| موضوع: "مَمَلكتـِـِــــي الْخَآآآصههـ" ............... السبت أغسطس 18, 2012 6:28 pm | |
| "مَمَلكتـِـِــــي الْخَآآآصههـ" ...............دى بصراحة اول تجربة ليا فى كتابة قصص انا ديما بتخيلها بس دى اول مرة اكتبها اتمنى انها تعجبكم باذن الله نبـــــــــــــــــــدأ ................ نقول بسم الله فى احد ضواحى محافظة الاسكندرية وخاصة فى منطقة من الاحياء الشعبية العتيقة حيث المنازل القديمة والمتقاربة بصورة كبيرة من بعضها حيث يسمع كل شخص ما يدور فى شقة جاره وفى ذلك الحى ذلك الرجل الذى ينادى على بضاعته وتلك السيدة التى تفاصل فيما تشتريه وذلك الطفل الذى يشد جلباب امه حتى تشترى له الحلوى وتلك الفتاة التى تمشى تتبختر اما مقهى حتى تجذب نظر من يجلس عليها وذلك الرجل الذى يصلح السيارات وووووو........الخ
وبخاصة فى وقت الظهيرة دق جرس منزل من تلك المنازل فقامت سيدة فى اواخر الخمسين من عمرها يظهر عليها التعب الشديد والارهاق منحينة الظهر لتفتح الباب فاذا بفتاة فى التاسعة عشر من عمرها ذو ملامح جذابة وشعر اسود يصل لمنتصف ظهرها وقوام رشيق ومتناسق وعينان عسليتان تجذبان كل من نظر اليهما وبشرة بيضاء ناعمة .... فقد كانت جميلة بحق فكانت عائدة من كليتها اللى التحقت بها بعد جهد ومثابرة وتوفيق من الله ....... فقد التحقت بكلية الصيدلة .......كم كانت تحلم بان تحقق امل امها بها بالتحاقها هذه الكلية وتشرفها بارتائها ذلك البالطو الابيض
الام: اتاخرتى كدا ليه يا سارة ....
سارة : معلش يا ماما السكشن كان طويل شوية واتاخرت غصب عنى والله
الام : ربنا معاكى يا حبيبتى ... يلا ادخلى غيرى هدومك عشان نتغدى سوا
سارة : ايه دا يا ماما انتى لسه متغدتيش ولا ايه
الام : اتغدى واسيبك تاكلى لوحدك ولا ايه ؟
سارة : ايوة يا ماما لازم تتغدى عشان تاخدى الدوا بتاعك فى ميعاده
الام: ولما انا اتغدى كل يوم لوحدى عشان انتى بتتاخرى فى الكلية وانتى كل يوم تتغدى لوحدك ....... مين يفتح نفسى ومين يفتحلك نفسك بس
سارة وقد قبلت جبين امها فى حنان : حاضر يا حبيبتى انا هقوم اغير هدومى واجى اساعدك فى الغدا
ودخلت سارة غرفتها ودخلت الام المطبخ لتحضير الغداء لها ولا بنتها وهم تتمتم ببعض الدعوات لابنتها ***************************** على الجانب الاخر انظروا هناك الى تلك الفيلا الضخمة الرائعة الجمال يحيط بها سور عالى اسود من الحديد ويوجد بها حديقة كبيرة واسعة بها الكثير من اللون الاخضر والاشجارالعالية يوجد على باب الفيلا رجل كبير فى الستين من عمره يرتدى الجلباب الابيض وعمامة بيضاء يتكأ على عصا ويبدو انه قد غالبه النوم فنام على عصاه وفجاة قام مذعورا على صوت سيارة فهرع اليها وفتح البوابة الحديدة ملوحا بيده
:حمد لله ع السلامة يا عمرو بيه
عمرو: الله يسلمك يا عم نوح ....... اتاخرت ليه يا عم نوح كل دا
الرجل : معلش يا بيه راحت عليا نومة بس
عمرو: ماشى يا عم نوح المرة الجاية خليك صاحى معايا كدا
الرجل : من عنيا يا عمرو بيه على عينى والله بس حكم السن بقى
عمرو : سن ايه يا عم نوح دا انت لو بنت شافتك هتقول عليك بتاع 20 سنة كدا
فضحك الرجل من قلبه لقول عمرو وقد بانت فتات اسنانه منه
فضحك عمرو لضحك ذلك الرجل الكبير
الرجل : الله يخليك يا عمرو بيه
عمرو : بيه ايه يا عم نوح ..... مليون مرة قلتلك انا اسمى عمرو بس بيه دى لاااا
الرجل : العين متعلاش عن الحاجب يا بيه
عمرو : تااااااانى بيه دى ..... انا هتحايل على ايه ما انت بقالك 15 سنة بتقولى بيه دى ولسه مش عارف اغيرها منك
خلاص يا عم نوح اقفل البوابة بقى
الرجل : حاضر يا بيه ضحك عمرو من ذلك الرجل ابتسامة هادئة وقاد سيارته ليدخل بها الى الفيلا
بداية كدا لو القصة عجبتكم قولوا عشان اكمل ولو معجبتكوش يكفينى شرف المحاولة
| |
|
هنوده Admin
الجنس : عدد المساهمات : 99 نقاط : 44203 السٌّمعَة : 0 تاريخ الميلاد : 28/08/1994 تاريخ التسجيل : 27/06/2012 العمر : 29
| موضوع: رد: "مَمَلكتـِـِــــي الْخَآآآصههـ" ............... الأحد أغسطس 19, 2012 12:53 am | |
| مشكوووووووور على القصه الرائعه
| |
|
Zedan عضوء نشيط
الجنس : عدد المساهمات : 22 نقاط : 42918 السٌّمعَة : 10 تاريخ الميلاد : 01/01/1991 تاريخ التسجيل : 11/08/2012 العمر : 33
| موضوع: رد: "مَمَلكتـِـِــــي الْخَآآآصههـ" ............... الأحد أغسطس 26, 2012 9:28 pm | |
| قصة رائعه و الى الامام | |
|
قمر العشاق عضوء نشيط
الجنس : عدد المساهمات : 11 نقاط : 42912 السٌّمعَة : 10 تاريخ الميلاد : 19/02/1994 تاريخ التسجيل : 12/08/2012 العمر : 30
| موضوع: رد: "مَمَلكتـِـِــــي الْخَآآآصههـ" ............... الإثنين أغسطس 27, 2012 10:10 am | |
| تسلموووووووووووووو على ردكم الرائع وشكرن الكم كلكم | |
|